Kina , realiteti befasues optimist

TIRANË, 29 Prill/ATSH-Gëzim Podgorica/- “Kina është një vend në zhvillim”. – Kështu e nisi  fjalën e saj Chen Bo, Zëvendësdrejtore e Përgjithshme në Departamentin për Europën në Ministrinë e Jashtme të Kinës, në mbyllje të vizitës së delegacionit të gazetarëve nga 16 vende të Europës Qendrore dhe Lindore.

Përgjatë qëndrimit tonë 10 ditor në Kinë, por më shumë nga ajo çfarë konkretisht e thotë realiteti impresionues kinez, shifrat sfidante ekonomike, përparimi  I vrullshëm ,  normalisht që mendon se Kina është jo thjesht një  vend në zhvillim, por një vend i zhvilluar. Mbase jo në të gjitha rajonet, por në shumicën e tyre po.

Kina ka hyrë në një fazë të zhvillimit jo vetëm me kërkesën por edhe për të kontribuar për botën, dhe autoritetet e saj janë krenar për këtë duke thënë se ata i kushtojnë vëmëndje të veçantë bashkëpunimit me vendet e Europës Qendrore dhe Lindore, vendet në të cilat ata shohin shumë ngjashmëri. Ata i thanë gjithashtu një grupi  prej 46 gazetarësh nga 16 vende të EQL, të cilët kanë bashkuar forcat në një bashkëpunim të përgjithshëm me iniciativën e Pekinit zyrtar, dhe se vizita përkoi me 65 vjetorin e vendosjes së marrëdhënieve diplomatike të Kinës me shumicën e këtyre vendeve.

Lidhjet diplomatike të Shqipërisë me Republikën Popullore të Kinës datojnë në nëntor të 1949 si dhe burime diplomatike kanë konfirmuar se disa aktivitete do të organizohen për të shënuar këtë përvjetor.

Për  të shënuar këtë përvjetor dhe për të avancuar marrëdhëniet midis Kinës dhe kësaj pjese të Europes turi i organizuar nga Sekretariati i marrëdhënieve midis Kinës dhe EQL në bashkëpunim me Shoqatën e Diplomacisë Publike të Kinës, mbulojnë pjesë të mëdha të këtij vendi të madh duke filluar nga Pekini duke vazhduar në Suzhou, Provinca e Jiangsau nga ku ne ishim duke flutuar me trenin e shpejtësisë së lartë, i cili pasi na çoi në Nanjing, provincën Jiangsau për t’i dhënë fund te Lanzhou, Provinca Gansu .

Një udhëtim i tille i gjatë që mbulon 6000km në vetëm 6 ditë ishte një provë e qartë e infrastrukturës moderne të ndërtuar në këtë vend me rruge, trena, aeroporte duke prekur standardat më të larta.

Në të vërtetë shumë zyrtar kineze thanë se ishte vendosur si një prioritet dhe po jepte fryte por ata këmbëngulen se shumë më tepër duhet bërë për mirëmbajtjen dhe zgjerimin e saj në zonat më pak të zhvilluara.

“Ne jemi duke u përpjekur që të prishim barrierën midis zonave të zhvilluara dhe atyre më pak të zhvilluara në vend,” pranuan ata.

Por duke dhënë ekspertizën, eksperiencën dhe mundësitë financiare, kinezët ishin të etur për të dhënë kontributin e tyre në vendet e EQL duke përfshirë Shqipërinë. Në fakt ata kanë disa projekte të rëndësishme në Poloni, Rumani, Serbi dhe kanë për qëllim ndërtimin e një autostrade në Mal të Zi dhe ambicia e tyre është zbatimi i këtij projekti rajonal.

Një tjetër projekt ambicioz për të arritur vendet e EQL është “Rruga e Mëndafshit” e cila është përmenduar gjatë një prezantimi në provincën Gansu nga autoritetet e saj më të larta.

“ Gansu ka qënë fillimi i parë  i ”Rrugës së Mëndafshit”, pasi kjo zonë është shumë e njohur për prodhimin e mëndafshit që nga kohët e vjetra, një provincë e përbërë nga shumë grupe etnike,” tha Liang Heping në prezantimin e tij.

Provinca Gansu dhe Burimet shqiptare të kromit

Provinca Gansu ishte etiketuar si “një muzeum i burimeve minerale” që ofron mundësitë e bashkëpunimit me vendet e EQL, tha z. Luoyang Jian, Zëvëndes Sekretar i Komunitetit Provincial të Gansu gjatë një pritje të organizuar prej tij.

I pyetur nëse provinca kishte ndonje skemë të bashkëpunimit me EQL duke përfshirë Shqipërinë e cila është e njohur për burimet e kromit, dhe Ëang Huacun tha gjatë prezantimit të potencialit të provincës se ai e konsideronte këtë si një pyetje shumë të vlefshme duke thënë se provinca e tij nuk kishte fare krom.

“Ne jemi të vetëdijshëm se Shqipëria është një vend i pasur me mineral krom, kështu që do të mirëpresim shkëmbimin e bashkëpunimit në këtë fushë nëse Shqipëria është e interesuar në këtë lloj bashkëpunimi,” tha ai duke shtuar se fusha të tjera mund të jenë reciprokisht të dobishme.

Dy anet e Gansus

Në të njëjtën kohë të gjithë folësit e kësaj krahine, pranuan se ata ishin të shqetësuar për barrierën sociale midis zonave urbane dhe atyre rurale.”Përsëri fermerët janë shumë të varfër dhe po bëhen përpjekje për të përmisuar jetën e tyre në nivel qëndror dhe lokal,” tha z. Jian, i cili tha se sfida ishte të ngushtonin hendekun në kushtet e jetës se njerëzve për ta bërë jetën e tyre me të përshtatshme.

Për të parë konkretisht një makine me gazetarë u çuan në fshatin e Kangjiazhung i ndodhur 1km në veri të Chankou Township, me një popullsi prej 3948, një total prej 772 familjve të ndarë në 9 grupe fshatare.

Një autoritet lokal na tha që nuk ishte hera e parë që të huajt shkonin për të vizituar këtë fshat.Ai tha se ishte vetëm një projekt në mesin e shumë e të tjerave duke u realizuar në kuadër të skemës së zhvendosjes për zbutjen e varfërisë të ndihmuar nga shteti.

Një tjetër vend që vizituam pasditen e të hënës ishte fshati Daping i Qinglanshan Toëship i vendosur në Lindje të Qarkut Dingxi City duke mbuluar një sipërfaqe prej 4.21km2. Fshati ka 124 familje me një popullsi prej 564.Ne vizituam disa nga familjet që trajtohen me prodhimet e tyre bujqësore. Ishte mbresëlënëse sesi kodrat shterpë ishin kthyer në parcela të punueshme toke. Rritja e patates është nxitur shumë duke u bërë një prodhim fitimprurës të të ardhurave. Thjesht disa shifra: kishte 38 serra, 10 fermerë profesional pule, 35 fermerë dele, 10 familje që drejtonin restorante të stilit fshatar në fshat.

Fal po mos harro

Kjo dukej të ishte motoja mbresëlënëse e Memorial Hall të viktimave në masakrën e Nanjingut nga pushtuesit japonezë ndërtuar për të kujtuar dhe nderuar 300000 njerëz të vrarë në mizoritë më të këqija nga japonezët gjatë Luftës së Dytë Botërore.

Qëllimi i Memorialit është t’i kujtoj njerëzve se ajo që ka ndodhur nuk duhet të ndodhë – tha Zhu Cheng Shan, Kurator në Memorial gjatë bisedës me gazetarët.

Inaguruar më 15 gusht 1985 “Memorial Hall” ndodhet në këndin jugperendimor të Nanjingut njohur si Jiangdongmen, i cili ishte vend i masakrës dhe vendi I varreve masive të 10 000 kufomave. Ajo u hap për publikun më 13 dhjetor 2007 duke shënuar 70 vjetorin  e mizoris.

z. Shan tha se 30 milion njerëz kanë vizituar memorialin që nga themelimi i saj. Duke parë rradhët e gjata të të rinjve për ta vizituar  e pyetëm  z. Shan se si reagonin të rinjtë kur shikonin atë dëshmi të gjallë makabre dhe sesa ishte përqindjae tyre në shifrën totale të vizitorëve.Ai tha se hyrja ishte e lirë dhe nuk kishin shifra të sakta por ata mendonin se të rinjtë përbënin më shumë se 30% të vizitorëve.Dhe  pyetja tjeter ishte nëse qytetarët dhe zyrtarët japonez kishin vizituar Memorialin ai tha “ Po 50 000 qytetarë japonez vizitojne çdo vit Memorialin. Në lidhje me politikanët dhe dy ish kryeministrat e kanë vizituar atë. Disa japonezë përpiqen të mohojnë përgjegjësitë e masakrës duke pretenduar se ajo nuk ka ndodhur. Ne nuk jemi dakort me këtë qëndrim tha z.Shan, duke shtuar shembullin se gjermanet i kishin kërkuar falje për atë që ndodhi gjatë luftës së dytë botërore.

Të gjithë  gazetarët ishin të impresionuar nga numri i madh i kinezëve duke nderuar jo vetëm ato viktima por dhe historinë e tyre. Dhe ne ishim dëshmitar të mijra e mijra njerëzve duke ngjitur 300 ose më shumë shkalle për të vizituar dhe nderuar figurën e Sun Jat-sen. Ne ju bashkuam atyre në një ditë me shi të rrëmbyeshëm duke e bërë këtë ngjarje në memorialin e Madh shumë impresionuese. Ne ishim shumë të mirëpritur saqë shumë të rinj na kërkuan të benin foto me ne- gazetarë nga vende të ndryshme të EQL.

Nanjing 2014 Lojërat Olimpike Rinore

Prova më e mirë e arritjeve është zgjedhja e Nanjing si qyteti mikpritës i Lojrave të dyta Olimpike Verore të të rinjve të cilat janë vendosur që do të fillojnë në 16 gusht 2014.

Kam mësuar se një grup modest do të shkoj për të përfaqësuar Shqipërine. Përfaqësuesit e Komunitetit Organizativ të Lojrave Olimpike të të rinjve në Nanjing janë më shumë djem të rinj dhe vajza tha duke zbuluar përgatitjet nën moton Ndajmë Lojrat Ndajmë Ëndrrat Tona.

Pekin në Sozhou – 1237 km, Sozhou në Nanjing – 214km, Nanjing në Lanzhou 1884 km, Lanzhou Pekin dhe në 22 prill 2014, 46 gazetarët nga EQL largohen për në vendet e tyre me një foto familjare të bërë të hënën duke ururuar që të shikojnë një bashkëpunim të ndërsjelltë midis Kinës dhe vendeve të tyre dhe duke falenderuar të gjithë ata që bënë të mundur këtë tur të paharrueshëm.

Në Kinë rikthehesha pas 11 vitesh, kur si drejtor i Radio Tiranës, në përbërje të delegacionit të Radiotelevizionit publik shqiptar filluam negociatat për një marrëveshje e cila nuk vonoi të nënshkruhej dhe është në fuqi  edhe sot e kësaj dite.  Patëm këmbën e mbarë siç themi ne, në  vendosjen e bashkëpunimit me homologët tanë.

Serozitet në punë dhe përkushtim-  Kështu e pata perifrazuar atëherë, dhe  mendoj se ai seriozitet maksimal dhe një përkushtim që rrallë e ndesh,  e bëjnë Kinën një vend me një zhvillim, shpejtësia e të cilit vetëm rritet ./a.g/