FRD: PD po ndjen humbjen në Shkodër, ka bërë 4 mitingje në dy javë

Dega e Frymës së Re Demokratike në Shkodër reagoi pas deklaratave të kryeministrit Sali Berisha në Bushat, se tani që KESH ka lekë, do dëmshpërblehen të përmbyturit. Sipas FRD, Berisha duhet të kërkojë ndjesë. Fryma e Re Demokratike beson se PD do humbasë deputetë në Shkodër, ndërsa ata do marrin një mandat. “Premtimet e mazhorancës aktuale përmes kryeministrit sa i përket dëmshpërmblimeve për përmbytjet i ngjasojnë premtimeve të bëra për ish- pronarët dhe ish– të persekutuarit ndër vite. Kryeministri së pari duhet të kërkojë ndjesë banorëve të Komunës Bushat dhe banoreve të tjerë të qarkut Shkodër për mosmbajtjen e premtimeve për dëmshpërblimin e zonave të përmbytura si dhe të ofrojë zgjidhje konkrete dhe reale. Në dy javët e fundit Partia Demokratike ka zhvilluar 4 mitingje elektorale në Qarkun e Shkodrës, çka tregon dhe pasiguri te mazhorancës aktuale për një humbje vendesh ne parlament në zgjedhjet e 23 qershorit, dhe këtë mundohen ta mbulojnë me premtime të dala boje dhe mitingje fallso me njerëz të sjellë nga administrata shtetërore. Mandati i FRD në Shkodër do jete surpriza e vetme dhe oponenca e merituar nga qytetarët e Shkodrës për qeverisjen aktuale,” thuhet në deklaratën e FRD.