VETËM SHQIPËRIA EUROPIANE ËSHTË ALEATE E SIGURTË E SHBA-se

Nga Nikolle Loka

Udhëtimi pa viza për në SHBA kalon nga europianizimi. Deri tani vetëm 15 shtete të Bashkimit Europian i kanë plotësuar kushtet për një përfitim të tillë.Teknologjia politike e mashtrimit elektoral i jep vlerë çfarëdo premtimi, qoftë dhe të parealizueshëm, po solli ca vota më shumë. Përmes kësaj teknologjie mashtruesit politikë kërkojnë të ulin efektin e dështimeve të tyre qeverisëse.Plotësimi i kushteve për të marrë statusin e vendit kandidat për në BE është detyrimi i çdo qeverie që del nga zgjedhjet e 23 qershorit. BE po e kërkon me forcë dhe ka investuar 23 vjet për këtë hap të pritshëm të vendit tonë.SHBA ka kërkuar nga qeveria shqiptare respektimin e shtetit ligjor dhe të standarteve demokratike, si dhe përshpejtimin e procesit të integrimit europian të vendit tonë. Mbi këta parametra demokratikë, kur t'i vijë koha, do të gjykojë dhe heqjen e vizave me Shqipërinë. Me viza udhëtojnë ende qytetarët e 12 shteteve të BE-së.
Standartet për liri lëvizje drejt SHBA janë standarte europiane dhe jo aziatike.
SHBA ka kërkuar në mënyrë të përsëritur europianizimin e Shqipërisë. Vetë Shqipëria Europiane është aleate e sigurtë e SHBA-ve.
Vetëm standartet europiane të demokracisë sigurojnë udhëtim pa viza në SHBA. Ky objektiv kalon nga antarësimi në Bashkimin Europian.
Çdo premtim për lëvizje të lirë amerikane që kalon jashtë Europës fyen intelektin e shqiptarëve dhe abuzon me aspiratat e tyre.