Shkodër , PD-ja në panik.

-Djali i ish-deputetit të PD-së në listën e PS-së-

Burime pranë Partisë Demokratike të qarkut të Shkodrës bëjnë të ditur se atmosfera e pragzgjedhjeve në këtë rajon nuk është aspak entuziaste për mazhorancën qeverisëse. Pakënaqësisë disavjeçare , shkaktuar nga arroganca e papreçedentë e Jozefina Topallit , i është shtuar edhe pakënaqësia e listës së deputetëve. Fshirja nga lista e Shkodrës e një numri të konsiderueshëm të kandidaturave me një të rënë të lapsit dhe në momentet e fundit të hartimit të saj ka qënë edhe goditja më e rëndë që i është bërë Partisë Demokratike në këtë qark. Ky ishte një precedent flagrant i arrogancës së lidershipit  të  PD-së, për  të  mos  folur  pastaj  për përfshirjen në  këtë listë të  Kryetarit të PDK-së,  z. Nard  Ndoka ,që ishte edhe “qershia mbi tortë” e pakënaqësisë në kampin blu. Në panik , kryetari Berisha shpejtoi të rikuperonte me disa takime të vakëta duke e filluar fushatën pikrisht në zonën e Nard Ndokës me shpresën e kotë se të paktën te kjo zonë do të gjente mbështetje për “delfinin” e tij të paqëndrueshëm. Po kur vështirësohet puna në fshatra , lërë pastaj në qytet , ku pakënaqësitë janë edhe më komplekse . E njëjta pamje paraqitet edhe krahun përëndimor të Shkodrës . Madje në këtë zonë struktura të tëra të Partisë Demokratike punojnë nën rrogoz për koalicionin e opozitës . Aq e vërtetë është kjo sa djali i ish deputetit te PD-së zotit Valentin Palaj është rreshtuar në listen e Partisë Socialiste. Vëzhgues të kujdesshëm të politikës në kryeqëndrën e veriut konstatojnë se Shkodra këto zgjedhje , do të ketë surpriza të mëdha.  /Gj.Razma