Dje polititologu dhe analisti i njohur Afrim
Krasniqi, fliste për njerëz të ish-Sigurimit të Shtetit në radhët e sferës së
lartë të qeverisë shqiptare që i qëndrojnë në krah Kryeministrit Berisha. Ndër
vite është folur shumë për këtë çështje madje kanë dalë edhe pseudonimet. Më
poshtë po japim një nga shkrimet e shumta të botuara për këtë temë.
Politika shqiptare ka qenë prej 18 vjetësh e
helmuar nga "mbetjet toksike" të së kaluarës komuniste, e cila ka
lënë si peng të rëndë bashkëpunëtorët e Sigurimit të Shtetit, aparatit të
dhunshëm që diktatura përdorte ndaj të gjithë qytetarëve shqiptarë. Shumë prej
aktorëve të Parlamentit shqiptar, por edhe të strukturave të tjera të shtetit,
janë pjesë e atij kontingjenti që Sigurimi i kishte në listat e tij si
bashkëpunëtorë, pavarësisht sesi ata janë përsosur. Në media është folur shumë
për pseudonimet e njerëzve që kanë qenë bashkëpunëtorë të Sigurimit të Shtetit aktorë
të politikës, funksionarë apo ish-funksionarë të shtetit shqiptar nga rrëzimi i
komunizmit e deri më sot. Në dosjet sekrete të diktaturës figurojnë nofka të
ndryshme: "Cigarja", "Dizenjatorja",
"Financieri", "Profesori", "Inxhinieri", apo
shumë pseudonime të tjera si "Parafabrikati", "Sqepi", apo
"Çiftelia". Këta pseudonime i përkojnë emrave konkret, të cilat
militojnë apo kanë milituar që nga viti 1990 në politikën shqiptare apo edhe në
administratën e shtetit. Një pjesë e mirë e tyre kanë qenë edhe pjesëtarë të
institucionit kryesor të shtetit: Kuvendit të Shqipërisë, pra deputetë. Prova
më e madhe për të hedhur poshtë komunizmin dhe për të kompensuar si fillim
moralisht ish të përndjekurit politikë është hapja e dosjeve sekrete të spiunazhit
komunist, që për 18 vjet rresht është zvarritur duke arritur të shkojë vetëm
deri te dera e Kuvendit dhe jo të bëhet realitet. Ky fakt tregon se një pjesë e
mirë e deputetëve kanë qenë të implikuar me dosjet e spiunëve, çka i ka
detyruar ata të hedhin poshtë çdo pretendim për të hapur dosjet famëkeqe. Edhe
pse pseudonimet famëkeqe të komunizmit dëmtojnë rëndë imazhin e deputetëve në
Parlament, këta të fundit nuk ngurrojnë të nxjerrin të palarat njëri-tjetrit
duke i pagëzuar me epitete të ndryshme si "Shishja e qumështit",
"Alfons Ballsha". Të gjithë ata politikanë të sotëm e të djeshëm, apo
zyrtarë të lartë të institucioneve që prej 29 nëntorit të 1944 deri më 31 mars
të 1991-it, i kanë shërbyer Shërbimit Sekret të Shtetit do të përballen me
ligjin e ri për hapjen e dosjeve, i cili po përgatitet nga një komision i
posaçëm i Kuvendit.
Nofkat e përdorura nga politika
1. Qukapiku
2. Inxhinieri
3. Çiftelia
4. Çorapja
5. Dizenjatorja
6. Financieri
7. Drita
8. Stilografi
9. I vogli
10. Alfons Ballshi
11. Raketa
12. Profesori
13. Shkrimtari
14. Dragoi
15. Cigarja
16. Luftëtari
17. Proletari
18. Intelektuali
19. Medicina
20. Sqepi
21. Doku
22. Bozhuri
23. Plepi
24. Parafabrikati
25. Kitara
26. Ushtari
27. Gjeli
28. Grepi
29. Shishja e qumështit
30. Serbi
31. Çiklisti
32. Greku
33. Malësori
34. Tigri
35. Diplomati
36. Poeti
37. Urithi
38. Pëllumbi
39. Stuhia
40. Kastori
No comments:
Post a Comment