Takohen Ahmeti e Gruevski,përgatiten negociatat për qeverinë e re

Kryetari i Bashkimit Demokratik për Integrim Ali Ahmeti takoi sot kryetarin e VMRO-DPMNE-së z. Nikola Gruevski. Në takim u bisedua rreth procesit zgjedhor, me ç’rast të dy bashkëbiseduesit vlerësuan pozitivisht mbarëvajtjen e zgjedhjeve dhe atmosferën demokratike dhe të lirë ku u zhvilluan ato.

Ahmeti dhe z. Gruevski ranë dakord për formimin e grupeve të punës të cilat do të zhvillojnë negociatat për formimin e qeverisë së re.Sot gjithashtu është zhvilluar edhe një në mes tl kryeministrit Gruevski dhe liderit të PDSH-së Menduh Thaçi. Ekskluzivisht për portalin Shqipmedia lideri i PDSH-së informoi se në fillim është biseduar për Zgjedhjet Parlamentare dhe për parregullsitë e këtyre Zgjedhjeve, për kërcënimet, shantazhet, blerjet e votave që bëri BDI në zonat shqiptare dhe më pastaj u bisedua për formimn e Qeverisë së ardhshme. Kryetari i PDSH-së në parim shprehu gatishmëri që PDSH-ja ta përkrah Qeverinë e ardhshme të Maqedonisë pa marrë parasysh a do të jetë pjesë e saj a jo.
PDSH është e interesuar që të bëhen investime në Maqedoninë Perëndimore aty ku jetojnë shqiptarë , të përsmiohet cilësia e jetës tyre, infrastruktura, punësimet, avancimet e shqiptarëve, PDSH poashtu përkrah përshpejtimin e integrimeve në BE dhe në NATO etj etj.
Takimi kaloi në një atmosferë miqësore dhe u ra dakord që bisedimet në princip të vazhdojnë, tha kryetari Thaçi./Faktinews