Naser Osmani , te fshehtat e deputetit qe pritet te arrestohet

Një konflikt me Fatmir Limaj në sallën e Kuvendit të Kosovës që shkoi deri në fyerje e sharje, është njëri nga momentet nga më të njohura për opinion të deputetit të LDK, Naser Osmani, prej që ky i fundit rrinte në atë sallë.

Zënka mes Osmanit dhe Limajt që u po direkt edhe në transmetim televiziv, përfundoi pa u shndërruar në hasmëri , pasi këta të dy të fundit në fakt i kërkuan falje njëri tjetrit.

Kujtimet e fundit për deputetin Osmani janë të hidhura edhe kur bëhet fjala për veprimtarinë e tij si anëtare Bordit i Agjencisë kosovare të privatizimit (AKP).

Zëvendëskryeministri i Kosovës Behxhet Pacolli si dhe partneri i tij i biznesit Remzi Ejupi, do ta akuzojnë hapur Osmanin, si pjesëtarë i një grupi me të gjerë i cili i kishte shantazhuar që të paguajnë korrupsion nëse këta të dy duan që ta mbajnë në kontroll Grandin.

Gjatë veprimtarisë së tij si deputet në Kuvendin e Kosovës si dhe në Bordin e AKP, Osmani nuk është shquar me ndonjë fjalim apo veprim markant tjetër-në fakt ai ka qenë kryesisht i heshtur dhe pa ndonjë iniciativë.

I diplomuar në ekonomi, Osmani megjithatë nuk është i ri në skenën politike të Kosovës. Në fakt ai është një veprimtarë i momenteve të para të Lidhjes Demokratike të Kosovës. Me origjinë nga Lipjani, skrupulozi Osmani, e nisë karrierën e tij politike si anëtarë i kryesisë së Forumit rinor të LDK-së në Lipjan- në vitet para të ekzistencës së kësaj partie, viti 1990.

Osmani më zënë vend krejt afër kuletës së shteti, duke luajtur rolin e Kryetarit të Këshillit qendror për financim të Kosovës. Si rikujtim ky ishte Fondi nga i cili mbahej atëbotë sistemi paralel i institucioneve të Republikës së Kosovës- nga ky fond paguheshin edhe pagat e arsimtarëve, mjekëve etj. Fondi ishte formuar nga Qeveria e Kosovës në ekzil, që udhëhiqej nga Bujar Bukoshi, ndërsa parat mblidheshin nga shqiptarët që jetonin jashtë. Osmani do të udhëheqë këtë këshill nga viti 1993 deri në vitin 2000, kur edhe u mbyll fondi, Kosova u çlirua nga Serbia ndërsa udhëheqjen e shtetit e ndanin mes veti UNMIK- u dhe partitë kosovare- më vonë institucionet e Kosovës.

Kur Fondi i njohur si 3 për qindëshi, u shndërrua në organizatë jo qeveritare nga Bujar Bukoshi, aty afër do të ishte sërish Osmani. Ai nga 2000 deri me 2004 do të ushtronte detyrën e menaxherit të projekteve të UFORK-ut.
Osmani gjatë tërë kohës ka qenë i angazhuar në politikbërje në LDK, përfshirë edhe si kryetar i degës në Lipjan dhe si deputet na viti 2004.

Osmani sot akuzohet nga EULEX për përfshirje në dallaveret me privatizimin e Fabrikës FAN në Podujevë dhe pritet ti dorëzohet drejtësisë gjatë ditës, sapo të kthehet, siç tha ai, nga Tirana./Blic