Obama: Koreja e Veriut një ”shtet i ulët”

SEUL, 26 prill /ATSH-AFP/ - Koreja e Veriut është një ”shtet i ulët”, i dobët, kufiri i së cilës, i militarizuar  ndjeshëm me jugun, shënon limitimin e lirisë, deklaroi sot presidenti amerikan, Barack Obama gjatë një fjalimi me trupat amerikane në Seul.
Ajo që përcakton diferencën mes dy vendeve është një thyerje mes një demokracie që beson dhe një shteti të ulët që mohon popullin e tij në vend që t’i ushqejë shpresat dhe ëndrrat”, shtoi ai.
”Vazhdimi i programit ushtarak bërthamor i Koresë së Veriut nuk do t’i sjellë gjë tjetër vetëm më shumë izolim”, nënvizoi presidenti amerikan, Obama.
Duke përmendur, në ditën e parë të vizitës së tij në Seul, sanksione të reja në rast të provës së katërt bërthamore koreano-veriore, në përgatitje sipas Seulit dhe ekspertëve, Obama theksoi se nuk Pheniani nuk do të fitojë asgjë me kërcënime.
Pak pas mbërritjes së presidentit amerikan në Seul, në etapën e dytë të turneut të tij aziatik, Koreja e Veriut njoftoi burgosjen e një qytetari amerikan, arrestuar më 10 prill për shkak të sjelljes të dhunshme gjatë hyrjes në vend, sipas agjencisë zyrtare koreano-veriore të lajmeve KCNA./