Rriten rastet e te prekurve me Hiv/Aids ne rrethin e Elbasanit

Në rrethin e Elbasanit  evidentohet një rritje e numrit të të prekurve me sëmundjen HIV/AIDS. Ky informacion bëhet i ditur nga Zyra e Këshillim-Testimit pranë Drejorisë Rajonale të Shëndetësisë Elbasan ku theksohet për një rritje të këtyre të prekurëve nga viti në vit. Elena Bibaja, Përgjegjësja e Zyrës së Këshillim-Testimit tha se gjatë 2011-tës janë regjistruar 22 raste me këta të prekur, ndërsa gjatë 2012-tës ka patur 28  raste në total, gjë që tregon se ka patur rreth 6 raste të reja. Bibaja gjatë fjalës së saj  tha se " nuk ka njerëz të rrezikshëm por ka sjellje të rrezikshmë që që çojnë  në rritjen e transmetimit të HIV/AIDS.

“ Pjesën më më të madhe  të të prekurve me këtë sëmundje vdekjeprurëse e zënë meshkujt nga mosha 25-45 vjeç të  cilët në të shumtën e rasteve infektohen me anë  të gjakut si dhe marrëdhënieve seksuale të pambrojtura.  Si shkak i kësaj sëmundje të transmetueshme vetëm gjatë 2011-tës kanë humbur jetën, në adult rreth 5 persona ndërsa gjatë 2012-tës, 8 persona. Nga ana e specialistëve të  Zyrës së Këshillim/Testimit Elbasan u bëhet thirrje të gjithë qytetarëve të kryejnë  analizat pranë këtyre laboratorëve për të evituar çdo rast të kësaj sëmundjeje, pasi rezultati nga infeksioni i saj është vdekjeprurës.”- e mbyll deklaraten e saj zonja Elena Bibaja./  A.Bregu