MELIHATE TËRMKOLLI NËNKRYETARE E HARADINAJT

MELIHATE TËRMKOLLI NËNKRYETARE E HARADINAJT

Ish-Kryetarja e Forumit të Gruas së LDK'së, Melihate Tërmkolli është ngjitur në hierarkinë më të lartë të Aleancës për Ardhmërinë e Kosovës.

Ajo është emëruar Nënkryetare e Ramush Haradinajt, i cili ka marrë edhe një mandat ta udhëheq AAK'në.

Tërmkolli ishte larguar nga LDK'ja dhe kishte kaluar në AAK, pasi nuk ishte e kënaqur me politikat e partisë së dytë në Kosovës. Por, ajo deri më tani nuk ka pasur ndonjë pozitë kaq të lartë në AAK.

Përveç Tërmkollit, pozitën e Nënkryetarit të Parë e ka rimarrë Blerim Shala.

Pozitat e Zëvendëskryetarit të AAK'së e kanë rimarrë edhe Ahmet Isufi e Ardian Gjini.

Edhe deputeti i AAK'së, Burim Ramadani është rizgjedhur edhe për një mandat si Sekretar i Përgjithshëm, ndërsa Blerim Kuçi Sekretar Organizativ.

Me këtë rast, Lideri i AAK'së i ka dhënë mbështetjen Kryesisë së re duke u shprehur se optimist se edhe kjo përbërje ‘do të sjell rezultate, si i solli edhe Kryesia e kaluar’./ ekspress.