Thaçi në ceremoninë e shenjtërimit të Papë Gjoni i XXIII dhe Papa Gjon Palit II në Vatikan

PRISHTINË, 26 Prill /ATSH-B.Jashari/.-

Kryeministri i Republikës së Kosovës, Hashim Thaçi, u nis sot për në Romë, për të marrë pjesë në ceremoninë e shenjtërimit të Papa Gjonit të Njëzetetretë dhe Papa Gjon Palit të Dytë.

Në njoftimin e dërguar nga Kryeministria e Kosovës shtohet se, ceremonia e Shenjtërimit mbahet me një meshë në Kapelën Papale në Vatikan e drejtuar nga Ati i Shenjtë Papa Françesku, të dielën në 27 prill 2014.

Në ceremoninë e shenjtërimi të dy papëve, marrin pjesë udhëheqës të lartë nga mbarë bota.