Shkup, 16 maj - Qeveria e Republikës së Maqedonisë në seancën e sotme vendosi të dërgojë 75 specialistë për vërshime nga ministritë e Punëve të Brendshme dhe të Mbrojtjes dhe nga Drejtoria për mbrojtje dhe shpëtim, 45 pompa për pompimin e ujit, 35 gjeneratorë, nëntë anije, 3.000 batanije dhe një paletë më të gjerë të barërave, si ndihmë fillestare për Serbinë dhe Bosnjë e Hercegovinën në ballafaqimin me pasojat nga vërshimet.
Vendimi, siç njoftoi zëdhënësi i Qeverisë, Aleksandar Gjorgjiev, është sjellë menjëherë pas marrjes së informacionit nga ana e Mbrojtjes civile evropiane se Serbia dhe Bosnjë e Hercegovina kanë kërkuar t'i njoftojnë të gjitha vendet-anëtare se u nevojitet ndihmë.
"Pas marrjes së informacionit Qeveria është duke i analizuar mundësitë të cilat janë në domenin e saj me të cilat mund të ndihmojë, si dhe çfarë kanë ofruar vendet e tjera, si ndihmë për këto rajone. Vendosëm në fazën e parë intervente të dërgohen 75 persona të cilët janë specialistë për qëllime të këtilla, 45 pompa për pompimin e ujit, 35 gjeneratorë, nëntë barka, 3.000 batanije dhe një paletë të gjerë barërash", deklaroi Gjorgjiev. Ai theksoi se ndihma e ofruar si informacion tashmë është dorëzuar deri te Mbrojtja civile evropiane.
"Gjatë ditës presim të marrim konfirmim se ato janë nevoja të cilat mund të procesohen dhe menjëherë më pas mund të dërgohet ndihma edhe në burime dhe njerëzit të shkojnë në Serbi dhe Bosnjë e Hercegovinë dhe të mund t'u ndihmojnë forcave të atjeshme dhe qytetarët të ballafaqohen me fatkeqësitë natyrore të cilat i rrezikuan këto shtete", potencoi Gjorgjiev.
Deri te Mbrojtja civile evropiane ndihmë për Serbinë dhe Bosnjë e Hercegovinën kanë ofruar edhe Bullgaria dhe Gjermania.
No comments:
Post a Comment