Kreu i ODIHR-it “frenon” Grosruck për raportin e 23 qershorit

Shefja e misionit vëzhgues të ODIHR-it, amerikania Conny McCormak ka bërë të ditur se vlerësimi i raportit të zgjedhjeve do të jetë një monitorim teknik më shumë sesa një vlerësim politik për zgjedhjet. “Ne nuk jemi arbittër, por vëzhgues, theksoi zonja McCormak, në konferencën për shtyp ku u prezantua ekipi drejtues i misionit. Kjo deklaratë do të thotë se monitorët nuk do të ndërhyjnë për të influencuar zgjedhjet, por do të mbajnë shënim dhe raportojnë të gjitha problemet e votimit, numërimit deri në tabulimin e rezultatit. Siç duket do të kemi të njëjtën panoramë që ka ndjekur misioni vëzhgues i ODIHR-it në zgjedhjet e 8 majit 2011, i cili u drejtua nga një tjetër amerikan, zoti Jonathan Stonestreet. Që do të thotë se raporti do të jetë teknik, të shikojë përputhjen me ligjin zgjedhor dhe nuk do të përdorë shprehjet e njohura “Zgjedhje hap përpara” apo të tjera si këto.

Tjetër aspekt i rëndësishëm i misionit të ODIHR është dhe përplasja me misionin e Asamblesë Parlamentare të OSBE-së, që drejtohet nga slloveni Roberto Batelli. Kjo trupë vjen pas lotimit të qeverisë shqiptare, duke shfrytëzuar miqësinë me kreun e AP të OSBE-së Wolfgang Grosruck, një mbështetës i flaktë dhe i pakompromis i Partisë Demokratike. Gjatë konferencës për shtyp, kreu i misionit të ODIHR-it nuk është shprehur për këtë çështje edhe pse është pyetur, duke ia lënë fjalën një këshilltari të saj, Steven Martin, i cili deklaroi se ende nuk ishte vendosur edne si do të ishte bashkëpunimi me grupet e tjera. Pra, ende nuk është përcaktuar se cili do të jetë roli i njeriut të Grosruck për raportin paraprak.

Prezantimi

Ekipi vëzhgues afatgjatë ndërkombëtar i ODIHR-t nisi sot zyrtarisht misionin në Shqipëri për të monitoruar zgjedhjet parlamentare të 23 qershorit. Ekipi kryesohet nga ekspertja amerikane Conny McCormak që prezantoi sot në Tiranë, punën e misionit per monitorimin e zgjedhjeve ne vendin tone.

Ne nje konference per mediat, ajo ka sqaruar se synim i punes eshte vezhgimi bazuar mbi parimet e paanesise, duke theksuar faktin se ata nuk jane arbiter te zgjedhjeve. “Ne do të bëjme vlerësim të kuadrit ligjor të amenduar, administrimin e zgjedhjeve, regjistrimin e votuesve dhe zbatimin e teknologjive të reja zgjedhore, mbulimin e medias dhe fushatën elektorale. Do qëndrojmë deri në mesin e korrikut për të ndjekur situatën paszgjedhore në vend dhe 5 javë pas përfundimit të zgjedhjeve do të publikohet raporti përfundimtar dhe në të do përfshihen rekomandimet. Është me shumë rëndësi që roli i ekipit të misoni ODIHR ka vetëm me vëzhgimin dhe rolin faktik dhe jo të ndërhyjë në rolin procesin zgjedhor. Ne nuk përcaktojmë zgjedhjet nëse janë legjitime apo jo, ne japim rekomandime”- tha McCormack.

ODIHR sqaroi se roli i arbitrit konsiston vetëm në një vlerësim të zgjedhjeve, por jo ndërhyrje në procesin zgjedhor.

“Për t’ju referuar arbitrit të zgjedhjeve, roli ynë në Shqipëri është të bëjmë një vlerësim të zgjedhjeve, sipas standardeve kombëtare apo ndërkombëtare. Nëse janë zgjedhje shqiptare, është në dorë të shqiptarëve të përcaktojnë këto zgjedhje. ODIHR është ftuar në Shqipëri për të bërë misionin e vëzhguesit dhe do bëjë këtë rol. Pra ne siç e përmendi zonja McCormack, nuk ndërhyjmë më proces, por ofrojmë vlerësimin tonë për zgjedhjet dhe pastaj këtë informacion mund ta përdorin aktorët në Shqipëri dhe gjithë të interesuarit.” ODIHR bëri me dije se ka kërkuar edhe 400 vëzhgues afatshkurtër. "Do kontrollohet procesi i votimit dhe situata pas zgjedhjeve", beri me dije ODIHR. Ekspertja McCormack tha se që nga viti 1996 ky është misioni i 11-të që ODIHR sjell në Shqipëri, ndërsa i fundit ishte ai që monitoroi zgjedhjet vendore. Ajo bëri të ditur se ekipi kryesor i misionit, që përbëhet nga 15 vëzhgues ndërkombëtarë do të qëndrojë në Tiranë dhe do të bëjë një vlerësim të kuadrit ligjor të amenduar, mënyrës se si do administrohen zgedhjet, regjistrimin e votuesve, zbatimin e teknologjive të reja zgjedhore, mbulimin që do të bëhet nga media të fushatës elekorale, etj. McCormack tha se javën e ardhshme do të vijnë vëzhguesit afatgjatë dhe 30 prej tyre, pas një trajnimi të shkurtër fillestar do të shpërndahen në të gjithë vendin. Sipas kryetares së misionit, ekipi i ODIHR do të nxjerrë një raport të ndërmjetëm pas tre javësh, ndërsa një ditë pas zgjedhjeve do të mbahet një konferencë për shtyp me gjetjet dhe konstatimet paraprake. Pas ditës së zgjedhjeve bërthama e ekipit do të qëndrojë në Shqipëri deri nga mesi i korrikut për të vëzhguar situatën paszgjedhore në vend, informoi McCormack. Zonja McCormack vuri në dukje se vjen për herë të parë të provojë eksperiencën zgjedhore në Shqipëri. “Nuk jam e re me cështjet që kanë të bëjnë me vëzhgimin e zgjedhjeve, por jam e re me misionin në Shqipëri”. Kryesuesja e misionit të ODIHR, Conny McCormack, ka qënë pjesë e ekipeve vëzhgues në zgjedhjet në Armeni, Meksikë, Rusi, Jemen, Indonezi e Nigeri. Rekomandimi i ODIHR: Procesi te jete, transparent. Zonja McCormack u shpreh se gjatë karrierës së saj në ODIHR nuk ka parë askund të realizohen zgjedhje perfekte.

“Zgjedhje perfekte ende nuk kam parë se zgjedhjet i bëjnë njerëzit dhe sa kohë ka elementë njerëzorë në këtë proces, ka tendenca gabimi. Gjëja më e rëndësishme është që procesi të jetë i hapur dhe transparent. Dhe fakti që duhen ruajtur standartet ndërkombëtare në këtë proces. Sigurisht ka dhe aspekte të tjera në këtë proces, fakti që janë ftuar vëzhgues ndërkombëtarë është një fillim shumë i mirë. Kam qenë e përfshirë në zgjedhje dhe në SHBA e vende të tjera dhe niveli i transparencës nuk është se ka qenë shumë i mirë”.